Çittara zeneize/Rimme villareççe/Ancœu compisce l’anno che trovei
| ←In questo mæsmo dì chi corre ancœu | Çittara zeneize - Rimme vilæçe de Ancœu compisce l’anno che trovei |
Oh ciù luxente assǽ che ra mæ çappa!→ |
| Zena, Franchello, 1745 notte do Prien |
XIV.
Ancœu compisce l’anno che trovei
Ra mæ bella Lichiña in questo prao.
Me l’hò sempre a memœuria conservao;
Che mi mæsmo lantora me perdei.
Apointo in questo lœugo ra mirei:
Chì da ri œuggi sœu restei ligao:
Chì restei in lê mæsma trasformao;
Che sò per tâ segnâ che ghe baxei.
In questo mæsmo lago, onde me spegio,
Vì ro mæ bello Sô dentro spegiâse,
E fâse l'un a l’atro e Sô e spegio.
Oh giorno memorabile, da fâse
Ciù nœuvo in mi, quanto sarò ciù vegio!
Oh giorno da no moǽ addesmentegâse!