Çittara zeneize/Rimme villareççe/Oh ciù luxente assǽ che ra mæ çappa!
| ←Ancœu compisce l’anno che trovei | Çittara zeneize - Rimme vilæçe de Oh ciù luxente assǽ che ra mæ çappa! |
Sciù ro scciattâ de l’Arba stamattin→ |
| Zena, Franchello, 1745 notte do Prien |
XV.
OH ciù luxente assǽ che ra mæ çappa!
Ciù lustra e ciù purîa che ro mæ boei,
Lichiña! onde ro Çê no basta a vei
Cosa ciù bella sotta ra sò cappa:
Degna che ogni gran Ræ’ te serve in cappa,
Che vegnan per mirâte ri Imperoei,
Da fâne per grandeçça ri faroei,
Da no scrive carissimo a ro Pappa!
Oh comme a ri tœu œuggi treitorin
Tutto ciaghe ro cœu, tutto feríe
Se sente ro tò povero Perrin!
Perrin Pastô, che per aveite tíe
(Guarda s’o t’amma cose sença fin!)
O lascereiva Regni e Monarchie.