Çittara zeneize/Rimme marinaresche/Quando da re colliñe

by Gian Giacomo Cavallo

←Bella, a che ciù desfâte

Çittara zeneize - Rimme mainæsche de Gian Giacomo Cavallo Quando da re colliñe

Zà l’Arba se desmette→

Zena, Franchello, 1745
notte do Prien

VII.

Quando da re colliñe
Comença a carâ zù così a taston

Neigra comme carbon
L’ombra dra seira verso re mariñe:
Con l’œuggio sœunnorento
Parte ognun verso cà, ch’o pâ ro scento.
Lì da ro gran travaggio
Stanco o s’addorme ciatto comme un baggio.
Mi solo un Sô, che hò sempre a re parpelle,
Vœu che vegge, ò che spelle.