Çittara zeneize/Rimme marinaresche/Bella, a che ciù desfâte
| ←Quando in vista dra riva | Çittara zeneize - Rimme mainæsche de Bella, a che ciù desfâte |
Quando da re colliñe→ |
| Zena, Franchello, 1745 notte do Prien |
VI.
Bella, a che ciù desfâte
(Dixeiva a ra sò cara un dì Ballin)
Per scœuggi a prœuo a zin,
Chi son spegi e meistrǽ
Dra tò crudelitæ?
Se ti mæsma in ro scœuggio dro tò cœu
Ti hæ re spiñe e zin da vende a chi ne vœu?
Ah! t’intendo a ro rie:
Quelle son per Ballin, questi per tie.