Çittara zeneize/Rimme marinaresche/Quando in vista dra riva

by Gian Giacomo Cavallo

←Zà ro dì ne ghe lascia

Çittara zeneize - Rimme mainæsche de Gian Giacomo Cavallo Quando in vista dra riva

Bella, a che ciù desfâte→

Zena, Franchello, 1745
notte do Prien

V.

Quando in vista dra riva,
Per dâ così de votta,
Arriva ra mæ bella sciabegotta,
Subito descoverta,
Stan lì ri pesci a l’ærta,

Tráonandoghe adosso ra sariva.^[1]
Mira, Bella, ognun dixe in so parlâ,
Se ti meriti, ò noe!
Noi che semmo chì bôe,^[2]
Boin da fâ ninte, solo da mangiâ,
Aora, solo de veite, semmo boin
Tutti a passâ per pesci salamoin.

1. Inghiottir la saliva, significa prender piacere d'una cosa.
2. Bôe, insensati. Vincenzo Dartona, Orl. Fur. Canto I, st. 57.
   Rolando l'era stæto così bôa
   E sì mincion, ch'o ghe dormiva a pê.