Çittara zeneize/Rimme de diversi a ro Cavallo e risposte de esso/De Voî, che dra mæ Muza hei dito tanto

←Coroña a Nostra Scignoa

Çittara zeneize - Rimme de diversci a-o Cavallo e risposte de esso Do Cavallo a-o Ciabrea

Do Cavallo a-o Giustignan e Risposta→

Zena, Franchello, 1745
notte do Prien

Del Cavalli
Al Sig. Gabriello Chiabrera,
avendo ricevuto l’elogio
da lui fattogli .

De Voî, che dra mæ Muza hei dito tanto,
Comme porrò, grandissimo Ciabrera,
Dî mi cosa bastante a mostrâ cera,
Che d’un verme son minimo atretanto?

Se ro Córo dre Muze sacrosanto,
Che moǽ in Parnazo no ve ten portera,
Ve spende tra ri cigni dra sò schera
Per Gabriello Angelico a ro canto?

Taxerò donca, e con ossequio interno
Saran da mi re graçie reveríe,
Onde per Voî me veggo fæto eterno.

Voî che avei ri poemmi in sciù re die,
Cantando me trarrei da questo inferno.
Così, vivendo Voî, viverò mie.