Çittara zeneize/Rimme de diversi a ro Cavallo e risposte de esso/Ballin, se voî scrivei, se voî parlǽ

←Do Giustignan e Risposta

Çittara zeneize - Rimme de diversci a-o Cavallo e risposte de esso Do Riciardi e Risposta

Do Çiogno e Risposta→

Zena, Franchello, 1745
notte do Prien

Del Signor Antonio Riccardi[sic] al Cavalli. Ballin, se voî scrivei, se voî parlǽ, Tutto bonombre sei, tutto dottriña, Me maraveggio dra vostra Maxiña, Chi zœumoǽ no se lasce un pò recrǽ. Ve zuro çerto pe re mæ pecchǽ, Me sata quarche votta ra berliña, Che un pestummo de frasca sì picciña Ve tire a questo mœuo mille freccǽ. Saveivo ra raxon, caro Ballin? L’è no poei leze lê ro vostro cento. Stampǽro, ch'a farà ro cianzorin. No me dî ciù ra fóra dro bestento, E no me stǽ ciù a vende soffranin: Dǽ un bongiorno a ro Mondo mâ contento.

Del Cavalli Al Sig. Antonio Ricciardi. Tentei (l'è vero) in sciù ra primma etǽ, Quando Amô dà ra botta a ra tettiña, Un scœuggio ro ciù duro dra mariña, Cantando, indærno mœuve a caritǽ. E spesso a re mæ lagrime affoghǽ D’aççende dubiei ra fregattiña: Cangiao da pœu ro tœuscego in meixiña, Rixi tra mi dri mæ nescioî passǽ. Sciù ra memœuria dro mæ primmo fin Stampo però ri versi dro mæ cento, Quando fei per Amô tenti strascin. Dê sa, se con sì magro pagamento, Riccardi[sic], o vorrà fâme un chitt'e fin Questo Tiranno, chi n’è moæ contento.