Çittara zeneize/Rimme çivî/Siscianta luñe a cavo de çinqu’anni
| ←Se ra descreçion no ven da voî | Çittara zeneize - Rimme çivî de Siscianta luñe a cavo de çinqu’anni |
Amô, quando seguì ro tò camin→ |
| Zena, Franchello, 1745 notte do Prien |
XXXVI.
Siscianta luñe a cavo de çinqu’anni
In quarti e in quintedeçime cangǽ,
Che Amô comeigo ha tutte allumerǽ
A son spesso de ragge e de maranni,
Ingratissima Donna, in tenti affanni,
Che hò fin a chì per voî visti e passǽ,
Ve fan fæ’ lô, se ogni raxon vorrǽ,
Che in fin con voî mi non restasse un zanni.
Se un nœuvo amô, se un fummo, un pentimento
Dæ per raxon, sença caxon nisciuña
A tanta fæ’ dæ un caço in pagamento.
Solo se in sò lenguaggio intende ognuña [1]
Dâ ro vostro çervello per depento
Ciù vario e ciù incostante che ra luña.
- ↑ Ognuna delle lune scorse; ovvero ognuna delle frivole ragioni mentovate innanzi.