Çittara zeneize/Rimme çivî/Se ra descreçion no ven da voî

←Parto, Donna: a che segno, a che partìo

Çittara zeneize - Rimme çivî de Gian Giacomo Cavallo
Se ra descreçion no ven da voî

Zena, Franchello, 1745
notte do Prien

XXXV.

Se ra descreçion no ven da voî,
De giudicâ, Minetta, comme staggo,
Con vei che a poco a poco me ne vaggo,
Per caritǽ de trâme da patî,^[1]

Quanto per mi, cose possê ciù dî?
No vei da per voî mæsma che non daggo
Ciù dra vitta un bædin? che ne l’instaggo?
Che poæro tosto un morto da cuxî?

Añima mæ, da tenti contrasegni
Senz’atro poei tegnîme per spedìo:
Poei dî che agge ra freve con ri segni.

Ah piggǽghe, mæ cœu, quarche partìo,
Finchè ri segni no deventan pegni:
Ma fǽro presto per amô de Dio.

↑ L'ordine e la costruzione è oscura. Se dal giudicar come io sto, vedendo che insensibilmente perisco, in voi medesima non si eccita la discrezione di trarmi da partire, &c.

[1] L'ordine e la costruzione è oscura. Se dal giudicar come io sto, vedendo che insensibilmente perisco, in voi medesima non si eccita la discrezione di trarmi da partire, &c.

[1]