Çittara zeneize/Quando lagrime e perle l’atro giorno
| ←Da Miña in fœura, chi me vè per Dê | Çittara zeneize - Çernia de quarche rimme de Quando lagrime e perle l’atro giorno |
Santa Barbara ciamma e San Simon→ |
| Zena, Franchello, 1745 notte do Prian |
III.
Quando lagrime e perle l’atro giorno
V’inscivan, Miña, da ri œuggi divin,
Chi bagnavan re rœuze e giasemin
Dro vostro vizo, dond’è Mazzo adorno,
Amô ve stava svorattando intorno;
E dro lago, che fâvi, crestallin
Inscî questo figgiœu fâva firin,
Chi me bruxauan comme legne in forno.
Cagna (dissi) se quando ciœuve forte
Da ri vostri œuggi, sì bruxâ me sento,
Che sarà pœu, quando ro Sô ghe luxe?
E per men mâ me missi a fuzze forte;
Ma, correndo, a ro fœugo fei tâ vento,
Che ciù l’aççeixi, e ciù conven che bruxe.