Çittara zeneize/Santa Barbara ciamma e San Simon
| ←Quando lagrime e perle l’atro giorno | Çittara zeneize - Çernia de quarche rimme de Santa Barbara ciamma e San Simon |
Se questa è neive chi ven da ro Çê→ |
| Zena, Franchello, 1745 notte do Prian |
IV.
Santa Barbara ciamma e San Simon,
Chi per amô me sente sospirâ,
E fuzze presto a cà per no bruxâ:
Sì, che ogni mê sospiro è lampo e tron.
E chi se attrœuva in cà, da ro barcon
Zù pan de san Nicolla uza buttâ,
Per fâ questi mê lampi e troin mancâ,
E l'ægua, che cianzando façço, ancon.
Che tant'ægua da ri œuggi m'uza inscî,
Ch'un diluvio segondo tornereiva,
Se con ri lampi l'ægua no sciugasse:
E se l'ægua ro fœugo no ammortasse,
Questo reverso mondo bruxereiva,
Che in ogni mœuo in fœugo ha da finî.