Çittara zeneize/Lengua zeneize
| ←Do Giustignan e Risposta | Çittara zeneize de Lengua zeneize |
Balin Ambasciao di Pescoei a-o Seeniscimo Zorzo Çentrion→ |
| Zena, Franchello, 1745 notte do Prien |
Çento poæra de bœu tutti azzovǽ
No doggeran ra lengua a un Forestê,
Chi digghe in bon Zeneize, Bertomê,
Amô, mæ cœu, biao, parolle tǽ.
Questa è particolâ feliçitǽ
A ri Zeneixi dæta da ro Çê,
D’avei parolle in bocca con l’amê,
De proferîre tutte inçuccarǽ.
Ma ri Toschen meschin, chi son marotti,
E che ro çê dra bocca han bell’amaro,
Ne han noî per mezelengue e per barbotti.
Vórrǽ che me dixessan, se un Fræ caro,
Sença stâghe a mescciâ tenti ciarbotti,
Vâ per çento Fratelli, e sta dro paro.