Ro Chittarrin/Son giusto chinze giorni, mê Minetta

Da Wikivivàgna
Sata a-a navegassion Sata a-a serchia
Ro Chittarrin, o sæ strofoggi dra muza de Steva de Franchi
Son giusto chinze giorni, mê Minetta


[p. 103 modifica]
SONETTO.


Son giusto chinze giorni, mê Minetta,
Che con l'œuggio dro porco me guardæ.
Nè mi posso capî cose v'aggæ,
Perchè me sento ra conscença netta.

Mi per voî ho scartao Catarinetta;
Luçia no sò ciù dond'a se sæ,
Nè ra çerco ò ra frugo; ni mê fræ
Se freiga con sò sœu ciammâ Peretta.

Dunque dîme, da mi cose vorei,
Che me farò per voî forma de gatto,
Sì ben non sarò ciù dro primmo pei.

Se no façço per voî, dæve recatto;
Perchè sciù ra fin fæta farò vei,
Che son pronto mi assì mollâ ro matto.