Ro Chittarrin/Che me ghe scialle, ò ch'o me faççe ratti

Da Wikivivàgna
Sata a-a navegassion Sata a-a serchia
Ro Chittarrin, o sæ strofoggi dra muza de Steva de Franchi
Che me ghe scialle, ò ch'o me faççe ratti


[p. 102 modifica]
SONETTO.


Che me ghe scialle, ò ch'o me faççe ratti,
Minetta, quello poco de piaxei
D'andâ a ballâ staseira? ò pù vorei
[sic] rie ra gente in fâ cose da matti?

L'âtra seira me dessi in desbaratti:
Rompî ra banderetta, e fâse vei
Pestâ dri pê, fâ smanie, e, come sei,
Fâme ri môrri, e fâ mille sciaratti.

Perchè à Roziña m'assettei da presso,
Voî dî che mi ghe façço cascamorto,
E vorei fâghe subito un proçesso.

Se façço questa vitta, mi son morto,
E no sò se me sæ à rosto o à lesso.
Sì ve zuro, Minetta, ch'avei torto.