Ro Chittarrin/Sciù ra destruçion de Lisboña

Da Wikivivàgna
Sata a-a navegassion Sata a-a serchia
Ro Chittarrin, o sæ strofoggi dra muza de Steva de Franchi
Sciù ra destruçion de Lisboña per ro terremoto seguío l'anno 1755. ro primmo Novembre.


[p. 86 modifica]
Sciù ra destruçion de Lisboña per ro Terremoto seguío l'anno 1755. ro primmo Novembre.
SONETTO.


Mœuran ri Regni, e mœuran re Çittæ.
Finiscian re grandeççe in pûra e in zetto.
Ro passagê stupisce, e dixe: Ond'étto
Ti, che ti eri dro mondo uña meitæ?

Ri superbi Palaçii, e re contræ,
Ri súoî dro Scultô, de l'Architetto,
Dond'ælan? che peccao! son lì à macchetto
Reversi in re roviñe e sotterræ.

Steva, quest'è ro caxo de Lisboña.
Ri anni crescian. Pensa à ri caxi tœu:
Che per l'ultimo scrollo ogn'ora è boña.

Ti me diræ, che Dio salvi o ne vœu,
Che o l'ha re braççe averte, e ch'o perdoña.
Ma pensa che o l'è giusto, e che se mœu.