Ro Chittarrin/Per ro semeggiantissimo retræto dro serenissimo Giambattista Cangiaxo
| ←À ro sorprendente merito dra sig. Anna Pallarini | Ro Chittarrin, o sæ strofoggi dra muza de Per ro semeggiantissimo retræto dro serenissimo Giambattista Cangiaxo |
Quando in mente me ven, che Maxinetta→ |
Dro Serenissimo Giambattista Cangiaxo,
fæto dall'eççellente Pittô ro Sig. Angero Banchê, Scolaro dro çelebre Cavaliere Pompeo Battoni.
SONETTO.
Dro nostro inclito Duxe lezeran
À caratteri d'oro registræ
Re virtù tante e rære qualitæ
Ri secoli, che ascosi ancora stan.
Poi parlando tra lô se lagneran
De no avei visto questa bella etæ
Dell'oro, e de non éssese trovæ
À veiro in Trono con ro scettro in man.
Bravo Banchê, Voi moddo avei trovao
Con pennelli eççellenti e bon corô,
De réndero à ro mondo eternizao.
E ri posteri nostri con stupô,
Perchè l'avei sì ben delineao,
Comme ro vimmo noî, ro viran lô.