Ro Chittarrin/Me pâ d'aveive dîto, che non vœuggio
| ←Minetta, mi ve sbrigo presto presto | Ro Chittarrin, o sæ strofoggi dra muza de Me pâ d'aveive dîto, che non vœuggio |
Che me ghe scialle, ò ch'o me faççe ratti→ |
Me pâ d'aveive dîto, che non vœuggio
Che faççe streita liga con Maxiña,
Quella, che stà vexin à ra mariña,
Andando sciù re mure da ro trœuggio.
Mi çerto no me piaxe quest'imbrœuggio,
Ch'à ve vegne à cantâ seira e mattiña
Vescighe per lanterne dra vexiña.
Minetta, noî daremmo in quarche scœuggio.
Sei che a l'ha nomme d'uña cætezzera,
Che con tutta Portorîa[sic] a l'è in question,
E non patisce tacche ra sò cera.
Se ro fæ per ciarlâ, vozei ro ton
Contro de mi. Per quanto sei ciarlera,
Me dirà Amô che v'agge discreçion.