Ro Chittarrin/Descarrego dell'aotô
| ←Ro stampao a ri veri e boin zeneixi che lezeran | Ro Chittarrin, o sæ strofoggi dra muza de Descarrego dell'aotô |
In occaxion de dovei mandâ re sò Poexie à uña Damma respettabilissima→ |
SONETTO.
De træ soeu mi son stæto iñamorao
Sciù ri primmi anni dra mê fresca etæ;
E troppo à fâve intende ghe vorræ
Ro piaxei che con quelle m'ho piggiao.
Ra Pittura è ra primma che ho trattao:
Ra Poexia m'ha dæto gusto assæ :
Pe ra Muxica ho fæto cose tæ,
Che dre votte per matto m'han çittao.
Un poco ro pennello ò ra cannetta,
Aora un libro de versi aveivo in man.
Aora ro chitarrin ò ra spinetta.
Ma doî pê in uña scarpa no ghe stan.
Chi ciù levore caccia, ogni donnetta
Sa dî che l'uña e l'atra fuzziran.