Ro Chittarrin/In occaxion de dovei mandâ re sò Poexie à uña Damma respettabilissima
| ←Descarrego dell'aotô | Ro Chittarrin, o sæ strofoggi dra muza de In occaxion de dovei mandâ re sò Poexie à uña Damma respettabilissima |
Coroña sacra→ |
Andæ, mæ Rimme, andæ, ch'hei gran fortuña,
Che uña Damma de sì âta qualitæ
Agge curiositæ
De vei, se sei taggæ de boña luña.
Onde mi prontamente
A ri sò pê ve mando,
Perchè me tegno bon
D'eseguî con piaxei ro sò comando.
Da quest'ora in avanti e da sto ponto
Ne tegnirò ciù conto;
E voi con gran rispetto e sommission
Ra dovei ringraçiâ,
Perchè ra vostra fin
Saræ stæta à ra fin
Tutt'insemme d'andâ
In compagnia de quarche Formaggiâ
À crovî baccalà, tappani e sâ.
Dunque, mê Rimme, andæ.
Però non ve scordæ
De dîghe, che l'Aotô
Ghe vive umile scciavo e servitô.