Rime diverse in lingua genovese/Quant'aura vui laudè sei da chascun
| ←Ra Toga spende men, dra capa fava | Rime diverse in lingua genovese de Quant'aura vui laudè sei da chascun |
Sonetto in giasmo dro presente vestì dre Donne→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa clicca i asterischi pe l'errata corrige |
Quant'aura vui laude* sei da chascun
C'havei ro vestì longo comenzaou,
Chi a pointo a nostro dosso pa tagiaou,
Per ben particulà, per ben comun.
5Tanto giasme sacei* sempre da ogn'un,
Se a requesta de quarche innamoraou
No livere* quest'habito laudaou
Chi fara* ri citten parei tutt'un.
Per vostro, e comun ben donca segui.*
10Lavò si bello, che ro comenzà
A l'homo groria no è, ma ro fini.
E fe quant'ordenè sempre osserva,*
Che cria de Zeneixi s'usa di
Che trei di a maraspeme po dura.*