Rime diverse in lingua genovese/Per guardà noi ra terra, e ro paeize
| ←Se no fosse oura l'unica Venexa | Rime diverse in lingua genovese de Per guardà noi ra terra, e ro paeize |
Se ben Zena bellissima, e famosa→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa clicca i asterischi pe l'errata corrige |
Per guardà noi ra terra, e ro paeize,
Za, e là gren fortezze oura facemo
E à fare, e puoe guardare si spendemo
[C]he de dine* sciughemo ro paeize.
5E Tudeschi ne fan spende ogni meize
De matti scui, e torre in villa femo,
N'in terra ò in ma però seguri stemo
Se ben facemo tante vanne speize.
Ch'in Corsega oura un Corso ne fa guerra
10E ri corsè ne scorran fin in ca
E vasselli ne piggian chi, e lie.
Ma se seme spendemo in fa garie
Atra speiza a noi fa no converrà
E seguri saremo in ma, e in terra.
15Ma fin che questa terra
De muraggie de legno no fasciemo,
De bon sonno dormi* chi no possemo.
Fassanera ben demo;
Ch'aman ra liberte* naturamenti
20Re bestie, non che i homi tutti quenti.
Ni sa perfettamenti;
Quanto ra patria libera e soave
Sarvo re terre de tiranni schiave.