Rime diverse in lingua genovese/Lorenzo Questa a Christoffa Zabata
| ←A-o mæximo | Rime diverse in lingua genovese de Lorenzo Questa a Christoffa Zabata |
Risposta do Zabata a-o Questa→ |
| da-e Rime diverse in lingua genovese, Bartoli, Pavia, 1588 cangiòu e u in v e viçeversa; clicca i asterischi pe l'errata corrige |
à Christoffa Zabata.
E dexiro da vui che me dighè
(Perche de questo dei savei tratà)
Se a re chiape dre neghe se fa mà
Chi cavarcando va tente giornè.
5E s'havei per camin patio assè
Per i egue spesse che conven passà.
E se ro seto vi senti* bruxà.
E s'esse a Zena chiù ve dexire.*
E quenti di sei steto per camin
10E in quella sempre vergine Cittè
S'arrivassi da seira, o da matin,
E come feta l'hà ri dui Compè
Sarvarezza, e Bernardi, amixi fin,
Perche hò de lò martello in verite,*
15Perche d'amixi te
Fazo gran stima, come pu don fà
Per zo che lò ro meritan me pà.
E se a ro so tornà
Terran per ra Cittè chi a pe dro Pò
20Che voggiando di aora, dixan mò.
Ro nome no ro sò,
Ma di voeggio onde fan ri contadin
Formaggie, come roe da morin.
Ancon dexiro in fin,
25Che me dighe* quarcosa dra Cittè
De Venexa, e dre cose chiu aprexe.*
Per zo che mi n'hò moe*
Passaou chiu in là dro Ponte dro* conchette
Ni sò trattà sarvo de fà berette
30Ma chi vuoeggio dismette
Pero* che vuoe partisse ro corrè
E da festa a ra penna, e a ro pape.*
Se ben lasso a derrè
Pareggie cose che haverea da dive,
35Puoe m'incresce hora moe* de tanto scrive.
E se posso servive
De li, ve prego chi me comandè
E che chiu san che poei ve governè,
Questa da ra cittè
40Famosa, e bella, chi hà dui visi in testa
Ve scrive de so man Lorenzo questa.