Rime diverse in lengua zeneise/Santa Barbara chiama, e San Simon
| ←Antigamenti quando in quarche luogo | Rime diverse in lengua zeneise de Santa Barbara chiama, e San Simon |
Za, a ri citten pareiva ben disná→ |
| acento grave = vocale curta - acento aguçço = vocale longa clicca o nummero da paggina pe 'n rafronto co-a transcriçion diplomattica |
Santa Barbara chiama, e San Simon,
Chi per amó me sente sospirá
E fuze presto a ca per non bruxá,
Si ch'ogni me sospiro è lampo, e tron.
E chi se atrova in ca, da ro barcon
Zu pan de san Nicola usa buttá
Per fá questi mé lampi e troin mancá,
E l'egua che chianzando fazo ancon.
Che tant'egua da i oggi m'usa insí
Ch'un diluvio segondo tornereiva,
Se con ri lampi l'egua no sciugasse.
E se l'egua ro fuogo no amortasse
Questo reverso mondo bruxereiva
Che in ogni muoo in fuoego ha da finí.