Riçette/O pesto

Da Wikivivàgna
Sata a-a navegassion Sata a-a serchia
Riçette de Aldo Acquaron
O pesto


O pesto

Pe’ primma cosa mèttite ô scösâ,
poi piggia baxaicò ben fresco e nöèllo,
ûn spigo d’aggio, di pignêu, da sâ,
do sbrinso o parmixan proprio de quello

e caccia tûtto quanto in to mortâ.
Cantando ‘na canson o ûn ritornello,
pesta e remescia sensa fâ schittâ
travaggiando de gòmio e de pestello.

Quando l’è tûtto ûnïo comme ‘na pasta,
piggia dell’êuio nostro do ciù bon
e remesciando, allunga quanto basta

Ed ecco ô pesto profûmòu da mette
in ta pûgnatta insemme a-o minestron
o sorvia ûn bello piatto de trenette!