Riçette/O menestron

Da Wikivivàgna
Riçette de Aldo Acquaron
O menestron


O minestron[sic]

Metti a boggî a verdûa ciù profûmâ
che nasce in primavèia; faxolin,
patatte a tocchi, erbe, cöi, sûcchin,
càccili 'n ta pùgnatta e lascia stâ

che bogge adaxo tûtta 'na mattin.
Azzonzighe dell’êuio, 'n pô de sâ
e ô pesto preparòu dentro ô mortâ
remesciando ogni tanto cian cianin.

Càccia poi riso o pasta ûn pô rèzzente
e assazza spesso in modo da ëse çerto
che a pasta a reste ancon ciûttösto a-o dente

Sèrvilo intiepidïo ô giorno stesso
quando, misso in te xatte e ben coverto,
ô forma a pelle diventando spesso.