Ra cittara zeneize 1636/Tutte queste Renette, e questi Baggi
| ←torna a l'èndexo | Ra cittara zeneize de Amoî Boscæsci |
Oh' che cara saxon, vegni, e condui→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Tutte queste Renette, e questi Baggi,
Chi poæran condannæ per sò destin
A nò calla de seira, e de mattin,
A nò fa dì, e nuoette atro che sbraggi.
Trà lo, seben c'han mozzi ri lenguaggi,
Crua, van à spara tutti in un fin:
Sospiran dri sospiri de Perrin;
Crian vendetta in Ce dri suoe travaggi.
Segondo lo se segnan tutti quenti
Che à ri torti ogni dì che tì ghe fæ
Ro Cè no abbisse dentri fondamenti.
Pensa oura tíe in vei per Caritæ.
Re bestie fa tenti resentimenti
Chi è chiù bestia, ò Lichinna ò ri annimæ.