Ra cittara zeneize 1636/Oh' che cara saxon, vegni, e condui

Da Wikivivàgna
Ra cittara zeneize de Gian Giacomo Cavallo
Amoî Boscæsci
Zena, Gioxeppe Pavon, 1636
In corscivo e ligatue. Gh'amanca i acenti aguççi.


[p. 65 modifica]

Oh' che cara saxon, vegni, e condui,
Lichinna, à pascie in questa Communaggia
Ri agnelletti, onde rie ra boscaggia,
Onde l'erba, e ri paschi son sì drui.

Zà ri brocchetti nuoevi son nassui;
Ogni Pasto re scigore ghe taggia:
Vegni, e l'istoeria dre me penne intaggia
In queste scorse, chi van tutte in sui.

Chi ro sciumme brilla com'un arinto,
Là ti odiræ rompi trà ra verdura
Ri rossignuoe ro canto in contrapuinto.

Chi sà se Amo con veite cosi dura
Te toccasse ro cuoe tutt'in un puinto
A cangia con Perrin vitta, e natura.