Ra cittara zeneize 1636/No gh'è tosto nì fuoeggia nì steccon
| ←torna a l'èndexo | Ra cittara zeneize de Amoî Boscæsci |
No sì tosto comensa à sparegá→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
No gh[']e tosto nì fuoeggia nì steccon
Per questi proei, per bosco, ò per collinna,
Onde scrito nò sæ, Bella Lichinna,
Lichinna cara dro me ma caxon.
Muoevo tutto ro Mondo à compassion
Ogni frasca; ogni foeggia; ogni erbettinna
Per tutto d'onde passo se m’inchinna
Perche ghe scrive sciù ra mæ passion,
Solo troevo ostinou chiù dell'inferno
Questo me vivo, e caro purgatuoerio
Lichinna à tribulame in sempiterno.
Ra prego, e l'unzo chiù che non fa l'oerio,
Mà sempre senza fruto, e sempre inderno,
Così vaggo à lasciandoghe ro cuoerio.