Ra cittara zeneize 1636/Trappa nò invisco moæ per oxellá
| ←torna a l'èndexo | Ra cittara zeneize de Amoî Boscæsci |
Quando Amó per regallo, e per caressa→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Trappa nò invisco moæ per oxella;
Sorchetto moæ nò attendo che tra mie
No tremme de pensa c'hò sempre lie
Amo con ro Sorchetto, e ra visca.
Se quarche oxello dà dentra scarta,
M’appenso che g'hò dæto mì assie.
Questo (diggo) è rò caxo tò de tie,
Perrin, ra tò desgratia accoppia.
Tì, mentre che tì oxelli, Amo t’oxella;
Ti scorri lo, le sempre te travaggia;
Ti ghe peiri ra chiumma, e le te spella.
Se ben le in questo tanto t'avantaggia,
Tì nò ri hæ sempre lì dentra scarsella,
A rà reversa Amo t'ha sempre in gaggia.