Ra cittara zeneize 1636/Quando Amó per regallo, e per caressa

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Boscæsci

Tutte queste Renette, e questi Baggi→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

Quando Amo per regallo, e per caressa
Voggiandome invia com'à banchetto
Vuoe mostrame à ro libero dro netto
Cose sæ quinta essentia de bellessa.

In acconseura lasca, e bescavessa
Lichinna ò me fà vei così in farsetto,
Mentre l'Arba ghe mette ro gianchetto
Ch'à l'accuoeggie scioi nuoeve, e se n'attressa.

Lì così schietta, sensa tenti abbiggi
Accordemmo tra nuoi ch'à poære megio
Che re Signore con ri suoe raziggi.

Escie intanto à tegnighe tempo megio
Ma con ri raggi puinti come sbiggi
Ro So, chi ve luxira com'un spegio.