Ra cittara zeneize 1636/Sciù ro schiattá de l'Arba stamattin
| ←torna a l'èndexo | Ra cittara zeneize de Amoî Boscæsci |
In questa ombroza grotta anco hò possuo→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Sciù ro schiatta de l'Arba stamattin
Hò cercou per menuo tutto ro prou,
E tutte re scioi belle, c'ho trovou,
Re ho tutte inghirlandæ, misse à cammin.
Queste perle dra terra, esti rubbin,
Lichinna, ch'oura l'Arba hà semenou,
Zà primma intro me cuoe t'hò consagrou,
Dixeiva in intressare chian chianin.
Così pù voeggie Amo che te sen care
Come poæran rubin de[1] Paladizo;
Com'oura me deletto d'attressare.
In questo di m'hà tocco un fatto rizo,
M’è sovvegnuo che mando à vergognare,
Che ti n'è dre chiù belle in sciù ro vizo.
- ↑ doe votte "de"