Ra cittara zeneize 1636/In questa ombroza grotta anco hò possuo
| ←torna a l'èndexo | Ra cittara zeneize de Amoî Boscæsci |
Havessi tue (in tanta tò mal'hora)→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
In questa ombroza grotta anco hò possuo
Muoeve à pietæ ri sassi dro me ma;
Ri hò visti in lagrimette strixella,
Anda per compassion tutti in un suo.
Ni sassio s'è trovou si duro, e cruo
Chi se sæ contegnuo de sospira;
Echo pe ra caverna passeggia
Se sente strangossia com'un battuo.
Solo in ti rà pietæ, rà compassion
Lichinna, truoevo morta, e sepellia
Per uverno; per stæ; d'ogni saxon.
Nì per fate un tantin manco induria
Manco è bastante ra descretion,
Chi vive in ogni mutta, e morta pria.