Ra cittara zeneize 1636/Rondaninna
| ←torna a l'èndexo | Ra cittara zeneize de Rondaninna |
Rossignuoe→ |
| Zena, Gioxeppe Pavon, 1636 In corscivo e ligatue. |
Canzon Quarta.
1.
Rondaninetta,
Che inanzi giorno
Pe ro contorno
Grillarinetta,
Ti chiarli tanto
Ferma un tantin ro canto.
2.
Ti sæ che l'hora
Dra mæ chiù cara,
Quanto à desciara,
No passa ancora
Che fin t'indue
Dunca à fara sta sciue?
3.
Forsi ro fæto
Perche increscioza,
Fastidioza,
S'heri à m'ha dæto
Un dì de spinne
Ancuoé ch'à m'assassinne?
4.
O pù per gusto
Che Amó chi ingrassia,
Chi se sganassia
Dro tò desgusto
Haggie ra pæsta
De veite in tanta festa?
5.
Taxi pestummo
Che ri tuoè chienti,
Ri tuoè lamenti
Ghe san de fummo
Lè se ne rie,
Ti nò dormi, ni mie.