Ra cittara zeneize 1636/Questo magro avansuggio de battello
| ←torna a l'èndexo | Ra cittara zeneize de Amoî Mainæschi |
Quando in ro fá dro dì bagiando ancora→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Questo magro avansuggio de battello,
Bon, chiù che da fa atro, da desfa;
Onde Ballin, tra chianze, e sospira
Se rompe apruoeo à scoeggi ro cervello.
Se ben chiù che per scaffo de vascello,
Maxinna, ò se puoe tosto battezza
Per retræto d'un amora astrona,
Da di veitera lì tutta in strepello.
No te crei però moæ de veiro à fin
Finch'ò naveghera per fregatinna
Con questa marca de Patron Ballin.
Che chi dixe Ballin, dixe Maxinna;
Maxinna seguressa dro camin;
Ra Stella tramontanna dra Marinna.