Ra cittara zeneize 1636/Quando in ro fá dro dì bagiando ancora
| ←torna a l'èndexo | Ra cittara zeneize de Amoî Mainæschi |
Questo pa de Nazelli de cinque effe→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Quando in ro fa dro dì bagiando ancora
Ven Maxinna à ra Chiazza per rescioro,
L'Arba, in cangio de sta sciù ro decoro
Ghe rie in ciera, e in fin se n'inamora.
L'un maroxello, e l'atro nò vè l'hora
D'arrichise à si nobile tezoro;
L’arenin chi è d'arinto, oura pa d'oro?
Oura perle da mettese à ra gora.
L'Oretta in abbuschiaghe ri cavelli,
Scuza, pa ch'à ghe dighe, oh' Bella cara
Questi falli, che à mì son tutti chielli.
Parte intanto ra Bella, oh' come cara
Re gronde ogni pescou; come restelli
Affriti, sciuti, con ra bocca amara.