Ra cittara zeneize 1636/Questi corpi de fossina si netti
| ←torna a l'èndexo | Ra cittara zeneize de Amoî Mainæschi |
Se ben che Amó, per aggiutá ra barca→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Questi corpi de fossina si netti,
Chi mandan, solamenti de fa l'atto
Ri pesci à parla subito à Pilatto,
Per quanto armæ de mille corsalletti.
Se in paragon, Maxinna, ti ri metti
Con quelli dri tuoæ oeggi, oh' che descatto:
Questi son com'à di corpi de chiatto,
Quelli son corpi à puinte de stiletti.
Se questi son dri pesci ro terro;
Quelli son ro terro dri Crestien;
Fan cazze lì da parte dro Segno.
Pensa oura tie ra vitta da Chen
Ch'a Ballin in sò vitta ha dæto Amo,
Chi d'atro, che de lo nò ro manten: