Ra cittara zeneize 1636/Se ben che Amó, per aggiutá ra barca

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Mainæschi

Sciù ra cimma dro Monte appenna sparega→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

Se ben che Amo, per aggiuta ra barca
Quando ò væ ro me cuoe dentro provezzo
Me va cosi porzando quarche ormezzo
Per fame per lantora cangia marca.

A ogni muoeo m'accorzo ch'ò m'imbarca
Che con tegnime tanto à ro verezzo
A fa come ra sa dentro lavezzo
A doggio ò me ra freiga, e me ra carca.

Maxinna in tanto, chi m'hà per l'aggogia,
Perche nò scappe da nissunna maggia,
M'ingarbuggia re veirie à orza, e à poggia

Mà siben l'un, e l'atro me spenaggia,
Con metteme ogni dì ra scagaboggia
Vivo, e porto San Teremo à ra gaggia.