Ra cittara zeneize 1636/Quando mi assì Cavallo andava in fera

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Do Lucco Açæn

Se Ballin piggia in man ro sigorello→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

DEL SIGNOR LUCCA ASSARINO. Quando mi assì Cavallo andava in fera A piggia versi à cangio da re Muze Fava re mæ cansuin con belle chiuze Per imità ro Tasso, e ro Chiabrera. Oura che veggo ra genti manera, Con ra qua dentre rimme fæ re fuze Nò gh[']è Scrito nissun (ogniun me scuze) Che con vuoi posse sta da chiera à chiera. Cante chi vuoe canta: mi no me curo D'intra, come se dixe, moæ chiù in ballo Perchè de perde son chiù che seguro. Vuoi che à ri Versi havei fæto ro callo Cantæ con chi se sæ, perchè ve zuro, Ch'à tutti ghe puei da un chinze, e un fallo.

RISPOSTA Con lettera de credito per Fera, Dæta in Parnazo in Camera dre Muze, Desteiza, e regalla con belle chiuze Da quello venerabile Chiabrera, Ricco d'havei trovou forma, e manera (Minera vossi di) dà fa re fuze Partì, fæto con tutte re mæ scuze, Apollo saruou da chiera à chiera. Ma in Fera, odio ri chiù di nò me curo Pochi, Assarin, gusta Muze ni ballo M'attacchei à negocio chiù seguro. Fuoi Canzelle; servì; Ghe fei ro callo Se ben ra primma, fè mantegno, e zuro Confessando à re Muze ro me fallo.