Ra cittara zeneize 1636/Quando Maxinna per piggia l'imbatto

Da Wikivivàgna
Ra cittara zeneize de Gian Giacomo Cavallo
Amoî Mainæschi
Zena, Gioxeppe Pavon, 1636
In corscivo e ligatue. Gh'amanca i acenti aguççi.


[p. 100 modifica]

Quando Maxinna per piggia l'imbatto
Se tratten ò de seira, ò de mattin
A ra chiazza dro ma sciù l'arenin
Che veggo lì ro ma sta così quatto.

Mì che veggo che le n'ha sì bon patto,
Chi se ra gove così da vexin,
Mentre mì son sì largo da cammin,
Per giroxia daggo dentro matto.

Me prego esse un Derfin per arrobara,
O pù quell'arenin, quelle giærette
Solo per esse bon da demorara.

Sciù mille pensamenti Amo me mette,
Ma veggo infin ch'à daghe ra sò tara
Son tutti venti da sciuga berrette.