Ra cittara zeneize 1636/Provexon de giustitia Amo me nega
| ←torna a l'èndexo | Ra cittara zeneize de Amoî Çivî |
Parto Donna, à che segno, à che partio→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Provexon de giustitia Amo me nega;
Privo donca d'agiutto, e de recatto
Donna à vuoi torno, e me ve rendo à patto
Se ben ro fasso come can chi nega.
Sò c'hò trovou ro meistro à ra buttega;
Che per natura nò dæ lardo à gatto;
Pù se ben me pregiudico, e descatto
Tutta remetto in vuoi ra caoza intrega,
Re mæ raxuoin re hei tente votte inteize,
Che stimereiva erro, Donna, à redire,
Ri passi soli son re mæ defeize.
Per fane oura sententia, e per spedire,
Con ra Licentia pe ri danni, e speize
Tocca à vuoi, c'hei ro drappo, e re tezuire.