Ra cittara zeneize 1636/Parto Donna, à che segno, à che partio
| ←torna a l'èndexo | Ra cittara zeneize de Amoî Çivî |
Se ra descretion nò ven da vuoi→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Parto Donna, à che segno, à che partio,
Parte vostra è d'andaro argumentando
Con vei da questo scrito, che ve mando
Che n'hò chiù tanto sciou da dive adio.
De vuoi, de mì, dro mondo fastidio,
Cangio posto, à reveise De sà quando;
Con vei che questo è ro derre comando
Per mì daggo ro Mondo per finio.
A tempo, e luoego, se ro canta n'erra,
Dopo esseve desfæta dell'inchietta,
Con mandame ramengo in sciù ra terra;
Spero, se Amo nò ne fà le vendetta
De veive da ro Ce fa tanta guerra
Ch'ogni Stella devente unna saetta.