Ra cittara zeneize 1636/Per no fave atri prichi con papé
| ←torna a l'èndexo | Ra cittara zeneize de Amoî Çivî |
Con un segno de croxe che me fasse→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Per no fave atri prichi con pape
Donna, e trase l'un l'atro dà desgusto;
Mi dà parlave con ro cazzafrusto,
Vuoi dà fame chiù brondori aderre.
Sazio zuoemoæ de fa questo meste,
Onde tocco con man che me ghe frusto,
Per no rompive chiù testa ni busto,
Son chì per vive, ò cazzeve à ri pe.
Ro stame à fa questo lichin lichetta
Donna, è unna forma chiæra, e manifæsta
De tira dentri oeggi ra berretta.
Donca, in unna parolla, atro no resta
Solo in duoi pe sprangamera lì netta.
Un sì, ò un nò finisce questa festa.