Ra cittara zeneize 1636/Con un segno de croxe che me fasse
| ←torna a l'èndexo | Ra cittara zeneize de Amoî Çivî |
Per fame oro purgou dra sò foxinna→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Con un segno de croxe che me fasse,
Metto à segno ri spiriti cattivi,
Che no san se sen morti, ò se sen vivi,
Van come se ro boia ri scovasse.
Vuoi, che ne fasse mille, e ri refasse
Sciù tutti quenti ri superlativi,
Ri havei tutti per magri tentativi:
Tutti per balle de pape de strasse.
Mà me pa de senti che me dighæ
Mì no fuzzo, com'Angera dro Ce;
Lo fuzzan come spiriti infernæ.
Respondo, mà se vuoi cangiæ mestæ,
Che chiù che ro Diavo m'intentæ,
No ve tocca à fuzzi vuoi chiù che le?