Ra cittara zeneize 1636/Per fame oro purgou dra sò foxinna
| ←torna a l'èndexo | Ra cittara zeneize de Amoî Çivî |
Fasso re forse d'Ercole à passá→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Per fame oro purgou dra sò foxinna
Amo, zà che vuoi m'hei per oropello,
A foego; à sciamma; à corpi de martello
Ro me cuoe nuoette, e dì sempre ò l’affinna.
Sempre ò ne cava tempera chiù finna,
Tanto che in fin con nobile modello
O ne fà oro pe ro vostro anello,
Lì sempre, Annima cara, ò me destinna.
Mà che me zova infin l'esse passou
A ro marco d'Amo per oro bon?
Per oro de ducatto? oro corou?
Se vuoi, che sei ra pria dro paragon,
A ra tocca dell'oro m'hei scartou,
Come fuisse oro faso, ò de laton?