Ra cittara zeneize 1636/Oh' chiù luxente assæ che ra me sappa
| ←torna a l'èndexo | Ra cittara zeneize de Amoî Boscæsci |
Sciù ro schiattá de l'Arba stamattin→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Oh' chiù luxente assæ che ra me sappa
Chiù lustra, e chiù puria che ro me buei
Lichinna, onde ro Ce no basta à vei
Cosa chiù bella sotta ra sò cappa.
Degna ch'ogni gran Rè te serve in cappa
Che vegnan per mirate ri Imperoei;
Da fane per grandessa ri faroei;
Da nò scrive carissimo à ro Pappa.
Oh' come à ri tuoe oeggi treitorin
Tutto chiaghe ro cuoe, tutto ferie
Se sente ro tò povero Perrin.
Perrin pasto, che per haveite tie
(Guarda s'ò t'ama cose senza fin)
O lascereiva Regni, e Monarchie.