Ra cittara zeneize 1636/Me pá giusto à ro zuoego de Promera
| ←torna a l'èndexo | Ra cittara zeneize de Amoî Çivî |
Donna zà che per lagrime, e per chienti→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Me pa giusto à ro zuoego de Promera
D'havei cinquantecinque con ra man
Quando ve veggo à sciorte intro mezan,
Che me fæ gratia de tra fuoe ra chiera.
Se fuisse Genera d'unna gran Schera,
O se fuisse Rè d'India, ò dro Giappan,
No ve crei miga à fè de chrestian,
Che giubilasse dentro in ta manera.
Che unna sola oggiaretta, che me dæ
Me porta dentro cuoe tanto contento
Quanto porta à ri Rè, re suoe Cittæ,
Ma se parla, se sospira ve sento
Daræ ri mondi à trei per duoi dinæ,
Se ghe ne fuisse cento votte cento.