Pagina:Cittara.zeneize.1636.pdf/34

Da Wikivivàgna

Me pa giusto à ro zuoego de Promera
D'havei cinquantecinque con ra man
Quando ve veggo à sciorte intro mezan,
Che me fæ gratia de tra fuoe ra chiera.

Se fuisse Genera d'unna gran Schera,
O se fuisse Rè d'India, ò dro Giappan,
No ve crei miga à fè de chrestian,
Che giubilasse dentro in ta manera.

Che unna sola oggiaretta, che me dæ
Me porta dentro cuoe tanto contento
Quanto porta à ri Rè, re suoe Cittæ,

Ma se parla, se sospira ve sento
Daræ ri mondi à trei per duoi dinæ,
Se ghe ne fuisse cento votte cento.