Ra cittara zeneize 1636/Lunzi da vuoi me cuoè, com'hò da vive
| ←torna a l'èndexo | Ra cittara zeneize de Amoî Mainæschi |
Cose me vá che naveghe, e comande→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Lunzi da vuoi me cuoè, com'hò da vive
Mì, ch'hò sempre sciù vuoi ra fantaxia?
Frenetico in duoi parmi de Corsia
Sempre hò cose da dive, e da redive.
Così trà mì me fasso dà da scrive,
Per scriveve ra mæ marinaria,
Per dive com'Amo me dezavia,
Perche vegne denanti à comparive
Anzi, se miro ò carta, ò calamitta,
Subbito Amo, con dame un cappacollo,
Me reprende, e menassa pe ra vitta.
Nescio (ò me dixe) drissa sciù ro collo.
Ti nò vei che ra terra è ra tò vitta?
Che ra marinna è ro tò rompicollo?