Ra cittara zeneize 1636/Cose me vá che naveghe, e comande
| ←torna a l'èndexo | Ra cittara zeneize de Amoî Mainæschi |
Coronna a Nostra Signora→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Cose me va che naveghe, e comande
Me cuoe per Capitannio unna Galera,
Se, reduto à ra netta puradera,
Son schiavo incadenou per mille bande?
Che ogni trei dì con tente scorribande
Sappette, e peste l'ægua dra Rivera
Se son lì sempre à ro me sicutera
Cen[sic] l'annimo à cova re vostre bande.
Spesso à piggia ra carta Amo m'exorta,
Dopo haveira curla per mille venti,
Per porto ò me fà vei ra vostra porta.
Sazio dra carta, e dri suoe curlamenti,
Vozo carta, ra raggia me trasporta,
Ne fasso tente carte con ri denti.