Ra cittara zeneize 1636/In cangio d'allegrame, havei per fruta

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Servî

Me pa che caze in pé come ri gatti→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

In cangio d'allegrame, havei per fruta
Quando veggo Zaninna à vista d'oeggio
Resto ni chiù ni manco com'un scoeggio,
Con ro cuoe morto, e con ra Ciera futa.

Resto lì con ra bocca bella sciuta;
Vaggo tutto in un suo, son tutto à moeggio;
M'accorzo à ro scangia dro pin dell'oeggio
Che ra Morte con l'Annima desputa.

Ma le, chi ten ra chiave dro me cuoe
A me tira con l'oeggio unna coetta,
E me mega in un tratto onde me duoe.

Chì sà (diggo tra mì) ra poveretta
A nò fà fossia chiù perche à nò puoe;
Così Amo me retorna in canderetta.